Մայիսի 9-ին Հաղթանակի զբոսայգում անօրինական գործարկված «Թայֆուն» կարուսելի վթարի արդյունքում տուժել էր 4 մարդ. 14-ամյա Սիրարփի Նավոյանը եւ 13-ամյա Սուսաննա Գալստյանն առավել թեթեւ վնասվածքներ են ստացել (վերջույթների եւ գլխի), իսկ 35-ամյա Մարինե եւ 13-ամյա Մենուա Վարդանյանները տեղափոխվել են «Միքայելյան» բժշկական կենտրոն (ողնաշարի վնասվածքներով եւ ուղեղի ցնցմամբ): Քրեական գործ է հարուցվել ՀՀ ՔՕ 279-րդ հոդվածի 2-րդ մասի 1-ին կետով՝ անվտանգության պահանջներին չհամապատասխանող արտադրանքի կիրառում: Որեւէ մեկին երեկվա դրությամբ մեղադրանք չի առաջադրվել:
