«Փախուստ բանտից-7»
Արդարադատության նախարարության «Նուբարաշեն» քրեակատարողական հիմնարկում երեկ հրապարակվեց Էրեբունի եւ Նուբարաշեն վարչական շրջանների ընդհանուր իրավասության դատարանի դատավոր Արթուր Օհանյանի կայացրած դատավճիռը: Անցյալ տարվա նոյեմբերին փախուստի դիմած, 21 օր ազատության մեջ հայտնված՝ ցմահ ազատազրկման դատապարտվածներ Մհեր Ենոքյանը եւ Սողոմոն Քոչարյանը դատապարտվեցին 7, 5 տարվա ազատազրկման:
Հիշեցնենք, որ մեղադրող Հարություն Հարությունյանը պահանջել էր 8 տարվա ազատազրկում: Ցմահ ազատազրկման դատապարտվելուց հետո Ենոքյանն ու Քոչարյանն արդեն մեկ անգամ ավելացրել էին իրենց պատժաչափը 8 տարով: Կրկնակի «ազատազրկմամբ» Ենոքյանն ու Քոչարյանը դժվարացրին իրենց դիմում գրելու հնարավորությունը: Ըստ օրենքի, ցմահ ազատազրկման դատապարտվածը վաղաժամկետ պայմանական ազատման համար դիմում կարող է գրել 20 տարի պատիժը կրելուց հետո:
