Ուրբաթ առավոտյան Ստամբուլի իր տանը մահացած է հայտնաբերվել Հրանտ Դինքի ընտանիքի փաստաբաններից մեկը՝ ազգությամբ թուրք 40-ամյա Հաքան Քարադաղը: Նրա դին գտել են կախված վիճակում: «Ազատություն» ռադիոկայանի հետ զրույցում թուրքական «Hurriyet» պարբերականի լրագրող Վերժիհան Զիֆլիօղլուն ասել է, որ նախնական վարկածի համաձայն՝ փաստաբանն ինքնասպան է եղել: Իսկ ըստ թուրքական «Zaman»-ի՝ ինքնասպանության փաստը դեռ պաշտոնապես չի հաստատվել: Այդ վարկածը չեն ընդունում նաեւ մահացած փաստաբանի հարազատները:
