![\"\"](\"https://www.aravot.am/2010/aravot_arm/June/4/p21.jpg\")
Ազատ եւ հունահռոմեական ոճերի Հայաստանի հավաքականները մասնակցելու են հունիսի 4-8-ը Թբիլիսիում անցկացվելիք միջազգային մրցաշարին: Ազատ ոճայինների գլխավոր մարզիչ Արայիկ Բաղդադյանը մրցավայր է տարել Օհան Գիքիրյանին (55 կգ քաշային կարգ), Ժիրայր Հովհաննիսյանին, Համազասպ Հովսեփյանին (երկուսն էլ՝ 66 կգ) եւ Էդգար Ենոքյանին (96 կգ): Ավելի ներկայացուցչական է հունահռոմեական ըմբշամարտի կազմը: Գլխավոր մարզիչ Լեւոն Ջուլֆալակյանն ընտրել է 55 կգ քաշայիններ Հարություն Հովհաննիսյանին եւ Շավիղ Գեւորգյանին, ինչպես նաեւ Արտակ Հարությունյանին (60 կգ), Հովհաննես Վարդերեսյանին եւ Սասուն Ղամբարյանին (երկուսն էլ՝ 66 կգ), Արամ Ստեփանյանին (74), Արթուր Շահինյանին (84) եւ 96 կգ քաշայիններ Սարգիս Տոնոյանին ու Արման Գեղամյանին:
