![\"\"](\"https://www.aravot.am/2010/aravot_arm/June/4/p15.jpg\")
Հինգշաբթի օրը, Հունաստանի մայրաքաղաքի կենտրոնում, հասարակական տրանսպորտի եւ ԶԼՄ-ների ներկայացուցիչների հայտարարած 24-ժամյա գործադուլի պատճառով մի քանի կիլոմետրանոց խցանումներ են առաջացել: Աթենքում չեն աշխատել երթուղային տաքսիներն ու ավտոբուսները, տրոլեյբուսներն ու տրամվայները, փակ են եղել մետրոյի ստորգետնյա եւ վերգետնյա գծերը: «ԼՁԸՀ-ՁԸհհ»-ի մատուցմամբ, աշխատել են միայն Աթենքը՝ միջազգային օդանավակայանի եւ մայրաքաղաքի արվարձանների հետ կապող արագընթաց գնացքները: Հասարակական տրանսպորտի աշխատակիցները պահանջում են չեղյալ համարել ապահովագրական օրենսդրության բարեփոխումներն ու նաեւ հրաժարվել ձեռնարկությունները պետության կողմից 10 տոկոսի սուբսիդավորումը կրճատելու մտադրությունից:
Հինգշաբթի օրը չեն աշխատել նաեւ պետական ու մասնավոր բոլոր լրատվամիջոցների լրագրողները: Հունաստանը զրկվել է տեղեկություններ ստանալուց: 24-ժամյա գործադուլ հայտարարելու արդյունքում հեռուստաալիքները հրաժարվել են լրատվական ծրագրեր հեռարձակելուց, ռադիոկայաններով բացառապես երաժշտություն է հնչում, չեն թարմացվում նաեւ էլեկտրոնային ԶԼՄ-ների համացանցային կայքերը, մեկ օրով նորությունների տրամադրումը դադարեցրել է նաեւ Հունաստանի լրատվական գործակալությունը, թերթեր լույս չեն տեսել: Հունաստանի լրագրողների դաշնությունը հայտարարել է, որ «գործադուլն անցկացվում է որպես բողոքի նշան՝ ընդդեմ կառավարության կողմից տնտեսական խիստ քաղաքականության, կենսաթոշակային ապահովագրության օրենսդրության բարեփոխումների, աշխատանքից լրագրողների հեռացման եւ նրանց իրավունքների սահմանափակման»:
