Շախմատի Չիկագոյի բաց մրցաշարն ավարտվեց հոլանդացի Լյուկ վան Վելիի հաղթանակով (7,5 միավոր): Մրցանակակիրների եռյակում նրան հաջորդեցին կեսական միավոր պակաս վաստակած Մայքլ Ադամսը (Անգլիա) եւ ռուսաստանցի Եվգենի Նաերը: Մրցաշարին մասնակցած հայազգի երեք շախմատիստներից լավագույն արդյունքը ցույց տվեց Վարուժան Հակոբյանը: Նա 6,5 միավորով պայքարն ավարտեց 7-րդ հորիզոնականում: Գրոսմայստեր Մելիքսեթ Խաչիյանը 6,0 միավորով 15-րդն էր: 149 մասնակիցների մեջ, որոնց ճնշող մեծամասնությունը տղամարդիկ էին, Տաթեւ Աբրահամյանը (լուսանկարում) նույնպես իր անվան դիմաց գրանցեց 6,0 միավոր եւ լրացուցիչ գործակիցներով, ի վերջո, հանգրվանեց 24-րդ տեղում:
