Մանվել Քեշիշյան, Մարտուն Թեւանյան, Գարիկ եւ Վահագն Շարոյաններ: Տավուշի մարզի Հաղթանակ գյուղի բնակիչներ՝ զոհված չորս ազատամարտիկների հիշատակին արդեն 18 տարի ֆուտբոլի մարզիչ Սպիրիդոն Բրոյանը հուշամրցաշար է կազմակերպում: Հուշամրցաշարի ավանդական հովանավորը «Ջավախք» հայրենակցական-բարեգործական միությունն է: Տավուշի մարզի Հաղթանակ գյուղի բնակիչների մեծամասնությունը սերում է հենց Ջավախքից: Այս անգամ մրցաշարին մասնակցում էին Իջեւանի եւ Նոյեմբերյանի տարածաշրջանների 1993-94 թվականներին ծնված ֆուտբոլիստների 3-ական թիմեր:
Եզրափակիչը մայիսի 26-ին էր: Այրում-Աչաջուր պայքարը ավարտվեց 7:0 հաշվով: Մրցանակակիր թիմերին տրվեցին գավաթներ, տարբեր անվանակարգերում լավագույն ճանաչված ֆուտբոլիստներին՝ հուշանվերներ: Նվերներ տրվեցին նաեւ զոհված 4 ազատամարտիկների ընտանիքներին:
