![\"\"](\"https://www.aravot.am/2010/aravot_arm/May/28/p26.jpg\")
Վերջերս ՀՀ պաշտպանության նախարար Սեյրան Օհանյանը եւ Զինված ուժերի գլխավոր շտաբի պետ Յուրի Խաչատուրովը հայտարարեցին, որ հանրապետությունում որոշ զինվորական կոմիսարներ տասնյակ տարիներ նույն տեղում աշխատում են, որ նրանց հարկավոր է այլ տարածքներ տեղափոխել: Օրինակ, Նոյեմբերյանի զինվորական կոմիսար, փոխգնդապետ Անդրանիկ Հարությունյանը այս պաշտոնում Նոյեմբերյանում պաշտոնավարում է 1992 թվականից: Հավաստի տեղեկություններով՝ նրա միակ որդին ՀՀ զինված ուժերում չի ծառայել, քանի որ Ադրբեջանից փախստականի կարգավիճակ ունի: Ինչո՞ւ ձեր որդին չի ծառայել հայկական բանակում: Այս հարցին բազմափորձ զինկոմը պատասխանեց, որ նա ուսանող է եւ խնդրեց այդ մասին նյութ չտպագրել: Ի դեպ, իր պաշտոնավարման ընթացքում զինկոմը մի քանի անգամ օրենքի հետ կապված լուրջ խնդիրներ է ունեցել, սակայն ամեն անգամ կարողացել է իր հարցերը լուծել:
