Հոկեյի միջազգային ֆեդերացիան Հայաստանի հավաքականին անորոշ ժամանակով որակազրկել է այն բանի համար, որ աշխարհի առաջնության «C» դիվիզիոնի նախնական հանդիպումներում թիմի կազմում հանդես են եկել երկակի՝ ՀՀ եւ ԱՄՆ քաղաքացիություն ունեցող անձինք: IIHF պաշտոնական կայքը տեղեկացնում է, որ այդ հարցի շուրջ վերջնական որոշում կկայացվի ավելի ուշ, երբ միջադեպի քննությունը լիովին կավարտվի:
Հիշեցնենք, որ IIHF-ի 2009 թվականի վարկանիշային աղյուսակում Հայաստանի տափօղակով հոկեյի հավաքականը զբաղեցնում է վերջին՝ 48-րդ տեղը:
