Օրերս Երեւանի թիվ 181 դպրոցը, ՀՀ-ի եւ Սփյուռքի կրթօջախների միջեւ իրականացվող «Քույր դպրոցներ» ծրագրի շրջանակներում, համագործակցության համաձայնագիր ստորագրեց Խարկովի Հենրիկ Ալթունյանի անվան կրթամշակութային կենտրոնի հետ: Թիվ 181 դպրոցի տնօրեն Վանյա Կիրակոսյանը նշեց. «Հատկապես կարեւոր է Հայաստանից դուրս հայ դպրոց պահելու հարցը, հայ երեխաներին հայեցի կրթելն ու դաստիարակելը: Այդ հարցում մեծ դեր ունեն հայաստանյան դպրոցները»: Խարկովի կրթամշակութային կենտրոնի տնօրեն, Խարկովի եւ Սումիի մարզերի ՀՀ պատվավոր հյուպատոսի օգնական Մետաքսյա Ավագյանն էլ նկատեց. «Համագործակցությունը կլինի փոխշահավետ, քանի որ կնպաստի կրթական, մշակութային տեղեկատվության փոխանակմանը, մանկավարժների եւ աշակերտների փոխճանաչմանը, առցանց հաղորդակցությանը, հայագիտական դասընթացների մշակմանը»:
