Շաբաթ օրը «Փառապանծ մարտիկներ» կազմակերպության ղեկավար, ՀՀ ՊՆ Ռազմական ոստիկանության Արմավիրի կայազորի պետ Գրիշա Սարգսյանը զանգահարել է «Չորրորդ ինքնիշխանություն» օրաթերթի խմբագրություն եւ սպառնալիքներ տեղացել: Լսափողին պատասխանել է թերթի փոխտնօրեն Մհեր Ղալեչյանը, որին Գրիշա Սարգսյանը հորդորել է «ՉԻ» լրագրող Թագուհի Թովմասյանին եւ ֆոտոլրագրող Գագիկ Շամշյանին զգուշացնել, որ ինքը պատրաստվում է պատժել նրանց: Սարգսյանն ասել է, որ Թովմասյանին եւ Շամշյանին «գլխից խփելու» է: Իսկ խմբագրությունը սպառնացել է «բամբիտ անել»: «ՉԻ»-ն, ինչպես լրագրող Թ. Թովմասյանն ասաց, Գ. Սարգսյանի այս սպառնալիքի վերաբերյալ տեղեկությունը համարում է հաղորդագրություն՝ հանցագործության մասին:
