Ղրղըզստանի ժամանակավոր կառավարությանը, որը գլխավորում է Ռոզա Օտունբաեւան, խորհրդատվական ծառայություններ մատուցելու համար այդ երկիր են ժամանել վրացական «Policy and Management Consulting Group (PMCG)» ընկերության փորձագետները: «ծՏՉՏրՑՌ-թՐցջՌՌ»-ի մատուցմամբ, վրացիները Բիշքեք են ժամանել ԱՄՆ-ի միջազգային զարգացման գործակալության՝ USAID-ի հրավերով, որը, ի թիվս այլ խնդիրների, նաեւ «ամբողջ աշխարհում աջակցում է մարդկանց՝ ազատ եւ ժողովրդավարական երկրներում ապրելու ձգտումներին»: «PMCG-ին Ղրղըզստանի կառավարությանը կօգնի նույնականացնել մակրոտնտեսական խնդիրները եւ առաջնահերթությունները, ֆիսկալ պլանավորման գործընթացում խնդիրների լուծմանը, հարկային եւ մաքսային համակարգում բացթողումների վերացմանը, ինչպես նաեւ դրանց լուծման ուղղությամբ հակակոռուպցիոն միջոցառումների մշակմանը»,- ընկերության նպատակների մասին խոսելով՝ հայտարարել է PMCG-ի ղեկավար Ալեքսի Ալեքսիշվիլին: Վերջինս 2005-07թթ. Վրաստանում զբաղեցրել է էկոնոմիկայի նախարարի, ապա նաեւ ֆինանսների նախարարի պաշտոնները: Այս օրերին նա Բիշքեքում է՝ ժամանակավոր կառավարության հետ բանակցություններ վարելու նպատակով:
