ՀՀ ԱԺ գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի անդամ Անահիտ Բախշյանը երեկ կայացած հանձնաժողովի նիստում առաջարկել է քննարկում կազմակերպել Երեւանի մանկավարժական համալսարանի ուսումնական կառուցվածքի եւ կրթական ծրագրերի ուսումնասիրման նպատակով:
Քննարկման արդյունքում հանձնաժողովի նախագահ Արտակ Դավթյանի առաջարկով որոշվեց առաջիկայում արտագնա նիստ կազմակերպել տեղում՝ Երեւանի մանկավարժական համալսարանում: Հանձնաժողովի անդամ Հեղինե Բիշարյանն էլ այդ համատեքստում առաջարկեց անդրադառնալ հայաստանյան բուհերի եւ դպրոցների հետ կապված բազմապիսի խնդիրների:
