![\"\"](\"https://www.aravot.am/2010/aravot_arm/May/21/p19.jpg\")
Իրանական բանտում հացադուլ է սկսել աշխարհահռչակ ռեժիսոր, ընդդիմադիր Ջաֆար Փանահին (նկարում): Այդ երկրում ընդդիմադիր «Jaras» գործակալության փոխանցմամբ, Փանահին հացադուլն սկսել է անցած շաբաթ: Ընդդիմադիր կինոռեժիսորը հայտարարել է, որ հացադուլը կդադարեցնի այն ժամանակ, երբ իր պահանջները կատարվեն:
Հիշեցնենք, որ 2010թ. մարտի 1-ին իրանական իշխանությունները ձերբակալել էին Չիկագոյի, Կաննի եւ Բեռլինի կինոփառատոների մրցանակակիր, հայտնի կինոռեժիսոր Ջաֆար Փանահիին, նրա կնոջն ու դստերը: Ավելի ուշ վերջիններն ազատ էին արձակվել, իսկ Փանահին մինչեւ օրս պահվում է Թեհրանի «Էվին» բանտում: Իրանի նախագահական ընտրությունների ժամանակ Ջաֆար Փանահին սատարում էր ընդդիմադիր թեկնածու Միր Հոսեին Մուսավիին: Հիշեցնենք, որ 2007թ. իրանցի ռեժիսորը «Ոսկե ծիրան» կինոփառատոնի պատվավոր հյուրն էր։ Փառատոնի շրջանակում նա վարպետության դասեր էր անցկացրել, ցուցադրվել էին նրա ֆիլմերը։
