![\"\"](\"https://www.aravot.am/2010/aravot_arm/May/21/p20.jpg\")
Վրաստանի խորհրդարանի նախկին խոսնակ եւ «Ժողովրդավարական շարժում-Միասնական Վրաստան» ընդդիմադիր կուսակցության առաջնորդ Նինո Բուրջանաձեն արտասահման կատարած շրջագայությունից վերադառնալուց անմիջապես հետո պատասխանել է լրագրողների բավական սադրիչ հարցերին։ Այդ մասին փոխանցում է tert.am-ը: Մասնավորապես, «Կվիրիս պալիտրա» թերթին նա ասել է, որ, դատելով ամեն ինչից, 2008թ. օգոստոսյան հակամարտության ժամանակ «Գորին մերոնք են ռմբակոծել»։
Որեւէ հստակ ու հիմնավոր բան Բուրջանաձեն այս առնչությամբ չի ասել՝ պատճառաբանելով, որ հոգնած է։ Հիշեցնենք, որ Գորի քաղաքի ռմբակոծությունն սկսվել էր 2008թ. օգոստոսի 11-ին, երբ վրացական զորքը հեռացել էր քաղաքից, որպեսզի պաշտպանի Թբիլիսին։
