Բժիշկների դեմ՝ վերջին տարիներին Լոռու մարզում 3 դեպք է գրանցվել:
2008 թ. Վոլոդյա Հակոբյանի կինը մահացել էր ծննդատանը՝ վիրահատական սեղանին: Սակայն չապացուցվեց բժշկական սխալը, քրեական գործ չհարուցվեց: Բժիշկը ծննդատան տնօրեն Արամ Ավալյանն էր:
2009թ.-ին Սպարտակ Մխիթարյանը փայտ կոտրելու ընթացքում հարվածել էր դաստակին: Բողոքել էր թիվ 1 հիվանդանոցի վնասվածքաբանական բաժանմունքի բժիշկ Գեւորգ Քարամյանից: Վերջինս հրաժարվել էր օգնել նրան, եւ պահանջել է 100.000 դրամ, բայց օրինական: Քրեական գործ չի հարուցվել: Քաղաքացին գումարը չի տվել, հետեւաբար, նրա բուժումը չի իրականացվել:
Այս տարվա առաջին դեպքն էլ Հաղպատից էր. Արմեն Մաթոսյանը բողոքել էր թիվ 1 հիվանդանոցի բժիշկներից մեկի դեմ, ով ռենտգեն հետազոտության համար 10.000 դրամ կաշառք է պահանջել: Հիվանդը վճարել է, սակայն՝ 5.000 դրամ: Քրգործ չի հարուցվել՝ հանցակազմի բացակայության հիմքով: Բժիշկը մարզպետի կողմից ստացել է նախազգուշացում:
