Միջին քաշային բռնցքամարտիկ Խորեն Գեւորը հուլիսի 17-ին Գերմանիայի Շվերին քաղաքում Սեբաստիան Զբիկի հետ մենամարտում փորձելու է նրանից խլել WBC- վարկածի աշխարհի չեմպիոնի ժամանակավոր գոտին: Սա 31-ամյա հայ մարզիկի՝ գոտի նվաճելու երրորդ փորձն է լինելու: Մինչ այդ նա 2007 թվականին նոկաուտով պարտվել է IBF-ի չեմպիոն Արթուր Աբրահամին, իսկ դրանից երկու տարի անց միավորներով զիջել WBA-ի տիտղոսակիր Ֆելիքս Շտուրմին:
Խորեն Գեւորը ռինգում անցկացրել է 35 մենամարտ, տարել 31 հաղթանակ (16-ը՝ նոկաուտով) եւ կրել չորս պարտություն: Իսկ նրա ապագա մրցակիցը՝ 28-ամյա Սեբաստիան Զբիկը, հաղթել է բոլոր 29 մենամարտերում, որից 10-ը՝ ժամանակից շուտ:
