«Արարատից Սիոն» վավերագրական ֆիլմը տոնում է իր առաջին հաղթանակը միջազգային էկրաններում: Օրերս Swansea Bay Film Festival կինոփառատոնը (Ուելս, Միացյալ Թագավորություն) հայտարարեց եզրափակչի արդյունքները. «Արարատից Սիոնին» շնորհվեց «Եվրոպական լավագույն վավերագրական ֆիլմ» մրցանակը: Ֆիլմը եզրափակիչ էր դուրս եկել Ֆրանսիայի, Գերմանիայի, Հոլանդիայի, Իսպանիայի, Միացյալ Թագավորության, Դանիայի, Նորվեգիայի, Լեհաստանի, Իսրայելի եւ մի շարք այլ երկրների արտադրած ֆիլմերի հետ միասին: Այսօր էլ Լոնդոնում տեղի կունենա ֆիլմի՝ ոչ պակաս կարեւոր ցուցադրությունը հայ համայնքի ներկայացուցիչների համար: Դառնալով Swansea Bay Film Festival-ին, հավելենք, որ այն անցկացվեց մայիսի 7-16-ը՝ Ուելսի Սուոնսի Բեյ քաղաքում: Փառատոնը Միացյալ Թագավորությունում ամենամեծերից է, նպատակ ունի աջակցել անկախ եւ փորձարարական կինոարտադրողներին:
