Թաիլանդի ընդդիմությունը համաձայն է բանակցել իշխանությունների հետ՝ խորհրդարանի Վերին պալատի՝ Սենատի միջնորդությամբ։ Ընդդիմության մեկնաբանությամբ, բանակցություններն անհրաժեշտ են, քանի որ շարունակվող բախումները կհանգեցնեն մարդկային մեծ կորուստների։ Կառավարությունը, սակայն, հայտարարել է, որ չի բանակցի ընդդիմության հետ այնքան ժամանակ, քանի դեռ շարունակվում են փողոցային անկարգությունները։ Ընդդիմության ակտիվիստները շարունակում են այրել անվադողեր, քաղաքի կենտրոնը կաթվածահար է։
Հիշեցնենք, որ Թաիլանդի մայրաքաղաք Բանգկոկում անկարգությունները շարունակվում են մարտի կեսերից։ Վերջին 6 օրերի ընթացքում բախումների հետեւանքով 38 զոհ եւ 300 վիրավոր է գրանցվել։
