![\"\"](\"https://www.aravot.am/2010/aravot_arm/May/19/p16.jpg\")
Մոտ 30 հանքափորներ արգելափակված են մնում Թուրքիայի Զոնգուլդակ նավահանգստային քաղաքին մոտ գտնվող «Կարագոն» պետական ածխահանքում տեղի ունեցած մեթանի պայթյունի արդյունքում: «Մենք անդադար աշխատում ենք՝ հանքափորներին փրկելու համար»,- BBC-ի մատուցմամբ, հայտարարել է աշխատանքի նախարար Օմեր Ջինջերը:
Տեղի ունեցած պայթյունի պատճառը տակավին հայտնի չէ: Նման արտակարգ իրավիճակները Թուրքիայի համար հազվադեպ միջադեպեր են: Դեռ փետրվարին մեթանի պայթյուն էր տեղի ունեցել նաեւ Թուրքիայի հյուսիս-արեւմուտքում գտնվող մեկ այլ ածխահանքում, որի արդյունքում զոհվել էր 13 բանվոր: Ավելի վաղ նման պայթյուն Թուրքիայում արձանագրվել էր 1992-ին, որի հետեւանքով 270 մարդ էր զոհվել:
