![\"\"](\"https://www.aravot.am/2010/aravot_arm/May/19/p13.jpg\")
Տավուշի մարզպետարանի առողջապահության եւ սոցիալական ապահովության վարչության նախաձեռնությամբ, հաշմանդամների պրոթեզավորման, չափագրման աշխատանքներ իրականացնելու նպատակով, հերթական անգամ Տավուշ են այցելել Երեւանի «Ինտերօրթո» գերմանական պրոթեզավորման կենտրոնի մասնագետները:
Ըստ մարզպետարանից ստացած տեղեկության, կենտրոնի մասնագետները հետազոտել են Իջեւանի եւ Նոյեմբերյանի տարածաշրջանների շուրջ երեսուն հաշմանդամի, կատարել չափագրումներ: Այդպիսով, այս 30 սակավաշարժ անձանց հնարավորություն տրվեց առանց լրացուցիչ ծախսեր կատարելու՝ տեղում ստանալ բարձրորակ բժշկական ծառայություն եւ լուծել իրենց պրոթեզավորման խնդիրը:
