Մայիսի 15-16-ը Նոյեմբերյան քաղաքում կայացավ զոհված ազատամարտիկների հիշատակին նվիրված վոլեյբոլի առաջնություն, որին մասնակցում էր 8 թիմ՝ Նոյեմբերյանի քաղաքի՝ 2, Կողբի, Դովեղի, Պտղավանի, Այրումի, Նոյեմբերյանի զորամասի եւ ռազմական ոստիկանության թիմերը: Մրցաշարում երրորդ տեղը գրավեց Այրում քաղաքի թիմը: Եզրափակիչում մրցակցեցին Նոյեմբերյանի մարզադպրոցի եւ զորամասի թիմերը: Հետաքրքիր եւ լարված խաղն ավարտվեց նոյեմբերյանցիների հաղթանակով՝ 3:2 հաշվով: Նոյեմբերյանի քաղաքապետ Վանուշ Ամիրաղյանը մրցանակակիր թիմերին գավաթներ հանձնեց: Առողջ ապրելակերպի, սպորտով զբաղվելու լավ օրինակ ցուցադրեց «Նոյեմբերյանի բժշկական կենտրոն» ՓԲԸ տնօրեն Աշոտ Գյոզալյանը, ով մրցաշարի առաջին օրը Նոյեմբերյանի մարզադպրոցի թիմում էր հանդես գալիս: Աշոտը նախկինում կարգային վոլեյբոլիստ է եղել: Եզրափակիչ խաղի գլխավոր մրցավարը էլի Աշոտ Գյոզալյանն էր:
