Մայիսի 13-ին ոստիկանության Արտաշատի բաժին է դիմել 42-ամյա Գեղամ Մաթեւոսյանն ու հայտնել, որ ապրիլի 20-ին, ժամը 15-ին իր բջջային հեռախոսի էլ. փոստով ստացել է հաղորդագրություն՝ Աֆրիկայի Տոգոյի Հանրապետության բնակիչ Ալբերտ Ագբեյումից: Նամակում աֆրիկացին հայտնել էր, որ Մաթեւոսյանի ազգանունը համընկնում է իր նախկին գործատու, այժմ հանգուցյալ Լարա Մաթեւոսյանի ազգանվան հետ, որը բնակվել էր Տոգոյի Հանրապետությունում եւ ներկայումս բանկում նրա հաշվին կա մոտ 17.000.000 ԱՄՆ դոլար կարողություն եւ ինքը փնտրում է նրա ժառանգորդին՝ նշված գումարը նրան հանձնելու համար: Մի քանի անգամ նույն փոստի միջոցով հաղորդակցվելուց հետո աֆրիկացին հայտնել է, որ ժառանգորդը կարող է լինել նաեւ Գեղամ Մաթեւոսյանը եւ փաստաթղթերի ձեւակերպման համար խաբեությամբ վերջինիցս պահանջել է 3.250 ԱՄՆ դոլար, որից 250 դոլարն ինքը ս/թ մայիսի սկզբներին ուղարկել է Երեւանի Իսահակյան փողոցում գտնվող «Կոնվերսբանկ» ՓԲԸ միջոցով:
