Թուրքիայի վարչապետ Ռեջեփ Էրդողանը երեկ ժամանել է Բաքու: Ըստ «Նոյյան Տապան»-ի, տեղեկացնելով այդ մասին՝ 1news.az ինտերնետային պարբերականը նշում է, որ Էրդողանը նախ մեկնել էր Թեհրան, որտեղից էլ` Ադրբեջանի մայրաքաղաք: Թուրքիայի վարչապետի` Բաքվում կայանալիք հանդիպումների օրակարգում հիմնականը, ադրբեջանական աղբյուրի վկայությամբ, Լեռնային Ղարաբաղի հակամարտության կարգավորման եւ էներգետիկ հարցերն են: Վկայակոչելով Hurriyet-ը, 1news.az-ը տեղեկացնում է, թե Բաքվում Էրդողանը բացահայտելու է Ղարաբաղյան կարգավորման նոր ծրագիր, ըստ որի՝ Հայաստանը նախ ազատելու է Ղարաբաղը շրջապատող եւ ներկայումս հայկական ուժերի վերահսկողության տակ գտնվող 7 շրջաններից 2-ը՝ Քելբաջարը եւ Ֆիզուլին, ինչի դիմաց Ադրբեջանը բացելու է Հայաստանի հետ սահմանը: Ըստ թուրքական աղբյուրի՝ նման բանաձեւը մշակվել է Հայաստանի եւ ԱՄՆ-ի նախագահների հետ Վաշինգտոնում եւ Ռուսաստանի նախագահի հետ Անկարայում Թուրքիայի վարչապետի ունեցած հանդիպումների արդյունքում:
