![\"\"](\"https://www.aravot.am/2010/aravot_arm/May/14/p16.jpg\")
Թաիլանդի բանակի հրամանատարությունը հայտարարել է, թե անվտանգության ուժերը ծրագրում են զրահամեքենաներով շրջափակել ընդդիմադիրների վրանային ավանը: BBC-ի մատուցմամբ, մայիսի 13-ին իշխանության ներկայացուցիչները տեղեկացրել էին, որ Բանգկոկի կենտրոնում կազմակերպված ճամբարի բոլոր մուտքերը երեկոյան փակվելու են, բայց ճամբարի ներսում գտնվողները կարող են այն լքել՝ առանց ելումուտ անելու հնարավորության: Նախօրեին Թաիլանդի իշխանություններն արդեն անջատել էին ընդդիմադիրների վրանային ճամբարի ջրի եւ էլեկտրակության մատակարարումը:
Վերջիններս, ի դեպ, որոնք շարունակում են պահանջել գործող վարչապետի հրաժարականը եւ մերժում ստանում, արդեն երկու ամիս իրենց վերահսկողության տակ են պահում մայրաքաղաքի մի քանի թաղամասեր: Բանակի հրամանատարությունը մայրաքաղաքում գործող խանութների սեփականատերերին կոչ է արել՝ փակել իրենց օբյեկտները երեկոյան ժամին եւ այլեւս չբացել՝ մինչեւ լրացուցիչ հրահանգ ստանալը:
