Երեկ, ՌԴ նախագահ Դմիտրի Մեդվեդեւի՝ Անկարա կատարած այցի շրջանակներում նախագահ Դմիտրի Մեդվեդեւի եւ Թուրքիայի վարչապետ Ռեջեփ Թայիբ Էրդողանի ստորագրությամբ ստեղծվել է ռուս-թուրքական բարձրագույն մակարդակի համագործակցության խորհուրդ: Այս մասին հաղորդում է tert.am-ը՝ վկայակոչելով ռուսական ԶԼՄ-ները: Մեդվեդեւի եւ Էրդողանի կողմից ստորագրված համատեղ հայտարարության մեջ նշվում է, որ «բարձրագույն մակարդակի համագործակցության խորհուրդը համարվելու է ղեկավար մարմին ռուս-թուրքական հարաբերությունների գլխավոր ուղղությունների եւ ռազմավարության մշակման, կարեւոր նախագծերի իրականացման համակարգման հարցում»: Խորհուրդը գործելու է Մեդվեդեւի եւ Էրդողանի համանախագահությամբ:
Թուրքական լրատվամիջոցների փոխանցմամբ, Մոսկվայի եւ Անկարայի միջեւ համաձայնություն է ձեռք բերվել Թուրքիայի տարածքում ռուսական ընկերությունների կողմից ատոմակայանի կառուցման հարցում:
