Մայիսի 12-ից Տավուշի մարզում մեկնարկեցին ՀՀ Վերահսկիչ պալատի ստուգումները: Նախօրեին Տավուշի մարզխորհրդի նիստում Վերահսկիչ պալատի նախագահ Իշխան Զաքարյանն ասաց, որ Հայաստանում հաճախ կոռուպցիա եւ կաշառակերություն ծնում են հենց գործող օրենքները, շատ դեպքերում օրենքները գրված են «իրենց հագով»: Նա օրինակներ նշեց, երբ հողերը չնչին գներով գնում են եւ հետո թանկ վերավաճառում: Իշխան Զաքարյանը որպես ցայտուն օրինակ նշեց հետեւյալ դեպքը: Համայնքների ղեկավարները եւ Արմավիրի մարզպետը Արգավանդի խաչմերուկում, օդանավակայան տանող ճանապարհին, հողերի քառակուսի մետրը վաճառել էին 5-6 դրամով, երբ դրա շուկայական արժեքը 800-1000 դոլար է:
