2006թ. մայիսին կրպակներում հայտնվեցին իր տեսակի մեջ եզակի «Ես YES!» ամսագրի հազարավոր օրինակներ: Հանդեսը արդեն ընթերցողի ընկերն է, խորհրդատուն ու սպասված հյուրը: Այժմ ամսագիրը 4 տարեկան է, ունի 16 հազար տպաքանակ: Ինչո՞ւ «Ես Yes»: Քանի որ պատանեկությունն ու երիտասարդությունը այն շրջանն է, երբ ձեւավորվում է մարդու ԵՍ-ը, շատ կարեւոր է, որ այն ամուր ու առողջ լինի: Չէ՞ որ կայուն ու ուժեղ անհատներն են կազմում ամուր եւ ուժեղ հասարակություն:
Անի Քոչարի մտահղացմամբ ծնված «Ես YES!» ամսագրում արծարծվում են բացառությամբ երիտասարդներին հուզող հարցեր ու խնդիրներ, որոնց միջոցով ամսագրի երիտասարդ, բայց փորձառու լրագրողները ոլորտի մասնագետների օգնությամբ իրենց լուծումներն ու տարբերակներն են առաջարկում դրանք հաղթահարելու համար:
