Հաղարծին վանական համալիր տանող ճանապարհին պարբերաբար սողանքները ակտիվանում են, հողը սահում, փակում է ճանապարհը: Նման վերջին դեպքը եղել է մայիսի 7-ին: Դրա հետեւանքով վանական համալիր տանող ճամփան որոշ ժամանակ փակ է եղել: Թեղուտի գյուղապետ Գեւորգ Թամրազյանը հայտնեց, որ այս տարվա անձրեւներից ակտիվացած սողանքների հետեւանքով պարբերաբար ճանապարհին լցվող հողի զանգվածը հեռացնում են գյուղապետարանը, Դիլիջանի ճանապարհաշինական «Հաղարծին» ՓԲԸ-ն եւ Շարժայի էմիրի նվիրատվությամբ Հաղարծին վանական համալիրի ճանապարհը կառուցած Գյումրիից մի ընկերություն:
