Հայրենական մեծ պատերազմում հաղթանակի 65-ամյակի եւ Շուշիի ազատագրման 18-րդ տարեդարձի առթիվ Նոյեմբերյան քաղաքում կայացավ սահմանապահ զորամասի շքերթ, պատերազմի վետերաններին հանձնվեցին հոբելյանական մեդալներ: Սահմանամերձ քաղաքի կենտրոնում, Հայ-հունական բարեկամության զբոսայգում դաշտային խոհանոց էր բացվել, ուր վետերանները զինվորական ճաշ եւ «մարտական 100 գրամ» օղի վայելեցին: Տոնի առթիվ Նոյեմբերյան քաղաքի պատերազմի վետերաններին դրամական օգնություն էին տրամադրել քաղաքապետարանը եւ Նոյեմբերյանի ճանապարհաշինական ձեռնարկության տնօրեն Ֆլորա Անտոնյանը:
Բացի սրանից, Նոյեմբերյանի «Լեւոն երկրորդ» հյուրանոցային համալիրում պատերազմի վետերանների համար հյուրասիրություն էր կազմակերպվել:
