Վրաստանում ՀՀ դեսպանությունը պաշտոնական հաղորդում չի ստացել ՀՀ երկու քաղաքացիների ձերբակալության մասին, այդ մասին հաղորդել են Հայաստանի ԱԳՆ-ում:
Վրաստանի սահմանապահ ոստիկանության տվյալներով, մայիսի 7-ին 3-րդ վարչության «Ախքյորփի»-Վ հատվածի շրջանում պետական սահմանի ապօրինի հատման փորձի պահին ձերբակալվել են Հայաստանի քաղաքացիներ Անդրանիկ Կոնյանը եւ Գուլնար Մուրադյանը: Նրանք մեղադրվում են սահմանի ապօրինի «խմբակային» հատման փորձի համար: Փաստի առնչությամբ ընթանում է նախաքննություն:
