ՀՀ գլխավոր դատախազի կարգադրությամբ ձեւավորվել է աշխատանքային խումբ՝ ուսումնասիրելու լրագրողների մասնագիտական օրինական գործունեությանը խոչընդոտելու, ինչպես նաեւ նրանց նկատմամբ այլ բնույթի ոտնձգություններ կատարելու վերաբերյալ 2008-2010 թվականներին նախապատրաստված նյութերը եւ քննված քրեական գործերը, դրանցով կայացված որոշումների օրինականությունը:
Աշխատանքային խումբը բաղկացած է 4 հոգուց, որն արդեն պահանջել է բոլոր ստորաբաժանումներից լրագրողներին վերաբերող քրեական գործերի մասին սպառիչ տեղեկատվություն: Բացառված չէ, որ արդյունքներով գլխավոր դատախազը որոշել է փոխել վարույթն իրականացնող մարմիններին:
