Մայիսի 9-ին Աստրախանում կմեկնարկի ՖԻԴԵ-ի տղամարդկանց «Grand Prix»-ի այս մրցաշրջանի վերջին՝ վեցերորդ փուլը, որտեղ որոշվելու է 2010/11 թթ. հավակնորդների մրցաշարի երկրորդ մասնակիցը: Հիշեցնենք, որ այս մրցաշարի հաղթողը Հայաստանի լավագույն շախմատիստ Լեւոն Արոնյանն է: Աստրախանում մեր հանրապետությունից հանդես է գալու միայն շախմատի համաշխարհային օլիմպիադայի կրկնակի չեմպիոն, գրոսմայստեր Վլադիմիր Հակոբյանը (նկարում):
Մրցաշարին մասնակցելու են 14 գրոսմայստերներ, որոնք հարաբերությունները պարզելու են շրջանաձեւ մրցակարգով, 13 տուրում: Նրանք են. Վլադիմիր Հակոբյան (Հայաստան), Եվգենի Ալեքսեեւ, Էռնեստո Ինարկիեւ, Պյոտր Սվիդլեր, Դմիտրի Յակովենկո (բոլորն էլ՝ Ռուսաստան), Բորիս Գելֆանդ (Իսրայել), Պետեր Լեկո (Հունգարիա), Ռուսլան Պոնոմարյով (նա փոխարինում է Արոնյանին), Վասիլի Իվանչուկ, Պավել Էլյանով (երեքն էլ՝ Ուկրաինա), Վան Յուե (Չինաստան), Վուղար Հաշիմով, Շախրիյար Մամեդյարով, Թեյմուր Ռաջաբով (բոլորն էլ՝ Ադրբեջան):
