Այսօր’ ԱՄՆ-ում համերգ է անցկացվելու՝ նվիրված Ստամբուլի «Ակոս» թերթի սպանված խմբագրապետ Հրանտ Դինքի հիշատակին։ Ըստ news.am-ի, համերգի կազմակերպիչներն են թուրք-ամերիկյան ընկերակցությունը եւ «Լուսին ու աստղեր» ծրագիրը։ Համերգին հանդես են գալու Արթո Թունչբոյաջյանը՝ Armenian Navy Band խմբի հետ, եւ թուրք ռոք երգիչ Յաշար Քուրթը։ Նրանց դուետը, որը կոչվում է «Յաշ-Ար», ներկայացնելու է «Ընդդեմ ատելության եւ թշնամանքի» երաժշտական ալբոմը: Այդ ալբոմում հատուկ երգ կա, որը գրվել է Հրանտ Դինքի սպանությունից հետո եւ նվիրված է նրա հիշատակին:
