ՀՀ տնտեսական մրցակցության պաշտպանության պետական հանձնաժողովից տեղականում ենք, որ «Ալեքս Գրիգ» ընկերության կողմից արտադրվող եւ իրացվող մի շարք անվանումներով օղիների ապրանքային նշանները, հնարավոր է՝ անբարեխիղճ մրցակցության դրսեւորում են: Երեկ հանձնաժողովը վարույթ է հարուցել օղու շուկայում արձանագրված անբարեխիղճ մրցակցության փաստերի առիթով: Հանձնաժողովի մասնագետների նախնական գնահատմամբ, «Ալեքս Գրիգի» կողմից արտադրվող «Զելյոնայա Մետկա», «Ռուդնիկ», «Ուկրաինա», «Խլոպցի», «Մեդոֆե», «Պրեմիում», «Խլեբնիյ դար» անվանումներով օղիների պիտակների վրա զետեղված ապրանքային նշանները կարող են շփոթություն առաջացնել այլ տնտեսվարող սուբյեկտներին սեփականության իրավունքով պատկանող եւ նրանց անուններով գրանցված ապրանքային նշանների նկատմամբ:
