«Ժիրայր Սեֆիլյանի քաղաքացիության իրավունքի պաշտպանության կոմիտեն» երեկ հերթական անգամ անդրադարձել է Ժիրայր Սեֆիլյանին՝ ոչ Հայաստանի, եւ ոչ էլ Ղարաբաղի քաղաքացիություն չտալու հարցին:
Կոմիտեն նախ նկատում է, որ «ՀՀ ներկա իշխանությունները եւ ՀՀ նախագահի աթոռը զբաղեցնող անձը առանձնապես չեն փայլում Հայրենիքին իրապես ծառայություններ մատուցած անձանց ըստ արժանվույն եւ հավուր պատշաճի գնահատելու ցանկությամբ, ցավոք, որեւէ մեկ հայի այսօր չես զարմացնի»: Եվ արձանագրում է, որ Հայաստանի Հանրապետության իշխանությունների կողմից ՀՀ քաղաքացիություն չտրամադրելը փայլուն կերպով օրերս կապկեց նաեւ Շուշիի քաղաքապետ Կարեն Ավակիմյանը։
