«Իրավունք դե ֆակտո» ակումբում երեկ ԼՂՀ նախկին արտգործնախարար Արման Մելիքյանն ասել է, որ, իր կարծիքով, հայ-թուրքական հարաբերությունների առաջին փուլն ավարտվել է Թուրքիայի զգալի առավելությամբ: Ըստ նրա, թուրքերն արձանագրությունների միջոցով միջազգային հանրության մոտ կարողացան ամրագրել, որ հայությունը համակերպվել է Առաջին համաշխարհային պատերազմից հետո տեղի ունեցած իրադարձությունների եւ ՀՀ առաջին հանրապետության տարածքային կորուստների հետ:
