Սոֆիայում շարունակվող շախմատի աշխարհի թագի համար Վիշվանաթան Անանդ-Վեսելին Տոպալով մրցամարտի ութերորդ պարտիայում հաշիվը հավասարվեց: Ու կրկին հաջողությունը ժպտաց սպիտակներով խաղացողին: Հավակնորդ Վեսելին Տոպալովը 58-րդ քայլում վաստակեց իրեն օդի պես անհրաժեշտ մեկ միավորը եւ վերականգնեց հաշվի հավասարակշռությունը՝ 4,0:4,0:
Երեկ գրոսմայստերները կրկին հանգստանում էին, իսկ այսօր կվերսկսեն պայքարը: Իններորդ պարտիայում առաջին քայլը պետք է անի աշխարհի գործող չեմպիոնը:
