«Առավոտի» էլեկտրոնային փոստով ստացվել է մշակութային մի լուր:
Մայիսի 7-ին Մեքսիկայի Տորեոն քաղաքում կկայանա տեղի սիմֆոնիկ նվագախմբի՝ CAMERATA DE COAHUILA-ի հերթական համերգը, որը կղեկավարի մեր հայրենակից Թաթուլ Եղիազարյանը: Ծրագրում ընդգրկված են Հայդնի, Խաչատրյանի եւ Միրզոյանի ստեղծագործություններից: Մենակատարներն են՝ ջութակահար Վիլեն Գաբրիելյանը, թավջութակահար Սերգեյ Կոսեմյանը եւ ֆագոտահար Կոնստանտին Մելիք-Վրթանեսյանը: Սա նվագախմբի երկրորդ համերգն է, որի շնորհիվ մեքսիկացի ունկնդիրը ծանոթանում է հայ կոմպոզիտորներին: Ի դեպ, առաջին համերգը, որի ծրագրում Կոմիտաս եւ Խաչատրյան է եղել, տեղի մամուլը որակել է «տարվա ամենածափահարված համերգը»:
