Այս տարվա փետրվարի 18-ին «Որ Ահնիձորը շենանա» հրապարակմամբ տեղեկացրել ենք, որ Հրանտ Մաթեւոսյանի ծննդավայրը անմխիթար վիճակում է, Ահնիձորում այսօր հազիվ 40 ընտանիք է ապրում, վերջին երկու տարվա ընթացքում գյուղից 60 ընտանիք է հեռացել, գյուղի ութամյա դպրոցն ընդամենը 30 աշակերտ ունի, գյուղը դատարկվում է, գյուղից հեռացած ահնիձորցիներն էլ «Ահնիձոր» միություն են ստեղծել եւ նպատակ ունեն երկրի տարբեր հատվածներում բնակվող համագյուղացիներին հավաքել ու ահնիձորցիների խնդիրները ահնիձորցիներով լուծել: «Ահնիձոր» միությունը արդեն հաշվի համար ունի եւ Ահնիձորին օգնելու ցանկություն ունեցողները կարող են գումարներ փոխանցել «Ինեկոբանկի» Վանաձորի մասնաճյուղ՝ 2050254375137001 համարին:
