Ուկրաինայում փորձում են Յանուկովիչին իմպիչմենտի ենթարկել

Ուկրաինայի Գերագույն ռադայում շրջանառության մեջ է դրվել մի նախագիծ, որով փորձ է արվում երկրի նախագահ Վիկտոր Յանուկովիչին պաշտոնանկ անել իմպիչմենտի ճանապարհով: APA-ի մատուցմամբ, նախագծի հեղինակը խորհրդարանում ընդդիմության ներկայացուցիչ, պատգամավոր Գրիգորի Օմելչենկոն է (նկարում): Վերջինս առաջարկում է խորհրդարանում ժամանակավոր հետաքննական հատուկ հանձնաժողով ձեւավորել, որը «կհետաքննի նախագահի այն գործողությունները, որոնք հանցագործության տարրեր են պարունակում եւ կարող են Ուկրաինայի նախագահին պաշտոնից իմպիչմենտի ճանապարհով պաշտոնանկ անելու հարցը քննարկման առարկա դարձնել»:
Փաստաթղթի համաձայն, հանձնաժողովի գործունեության համար սահմանվել է վեց ամիս ժամանակ, իսկ նախնական զեկույցը հանձնաժողովը խորհրդարանում պետք է քննարկվի 2010թ. հուլիսին: