![\"\"](\"https://www.aravot.am/2010/aravot_arm/May/4/p12.jpg\")
Մայիսի 1-ին վախճանվել է մերձմոսկովյան Դուբնայում գտնվող Միջուկային հետազոտությունների միավորված ինստիտուտի տնօրեն, ֆիզիկա-մաթեմատիկական գիտությունների դոկտոր, ակադեմիկոս Ալեքսեյ Սիսակյանը: Հայ ճանաչված ֆիզիկոսը մահացել է սրտամկանի ինֆարկտից՝ 66 տարեկան հասակում: Հեղինակավոր տեսաբան ֆիզիկոսը միջուկային ֆիզիկայի ոլորտում Ռուսաստանի առաջատար կենտրոններից մեկը՝ Դուբնայի միջուկային հետազոտությունների միավորված ինստիտուտը ղեկավարում էր 2006 թվականից: Ալեքսեյ Սիսակյանը նաեւ Ռուսաստանի գիտությունների ակադեմիայի նախագահության անդամ էր: ՀՀ նախագահ Սերժ Սարգսյանը ցավակցական հեռագիր է հղել ակադեմիկոսի ընտանիքին: «Ալեքսեյ Սիսակյանը արժանիորեն համաշխարհային համբավ վայելող գիտնական էր… Ալեքսեյ Սիսակյանն իր բեղմնավոր ու հիմնարար աշխատանքով եւ գիտությանն անմնացորդ նվիրումով վառ օրինակ է յուրաքանչյուր երիտասարդ գիտնականի համար»,- ասված է հեռագրում:
