Ուրբաթ օրը Չինաստանի Վեյֆան քաղաքում հինգ երեխա վնասվածքներ է ստացել՝ անհայտ մի տղամարդու կողմից նախնական կրթության դպրոցի (մանկապարտեզ) երեխաների վրա կատարած հարձակման արդյունքում: Ինչպես փոխանցում է ԼՁԸՀ-ՁԸհհ-ը, քաղաքային իշխանությունների ներկայացուցիչն ասել է, թե անհայտ տղամարդը մուրճով զինված հարձակվել է նախադպրոցական տարիքի երեխաների վրա, հետո երկու մանուկների առեւանգելով՝ բենզինը լցրել է վրան եւ ինքնահրկիզվել: Դաստիարակներին հաջողվել է երեխաներին մի կերպ պոկել այրվող մոլագարի ձեռքից: Հարձակվողը ստացած վնասվածքներից տեղում մահացել է, իսկ տուժած երեխաները տեղափոխվել են հիվանդանոց: Նրանց կյանքին ոչինչ չի սպառնում:
Վերջին մի քանի օրերի ընթացքում սա արդեն Չինաստանում տեղի ունեցած համանման երրորդ միջադեպն է:
