ՄԱԿ-ի Զարգացման ծրագրի (ՄԱԶԾ) հայաստանյան գրասենյակի մշտական ներկայացուցիչ տիկին Դաֆինա Գերչեւան եւ ՀՀ գլխավոր դատախազ Աղվան Հովսեփյանը ՀՀ դատախազության դպրոցում երեկ բացեցին «Համակարգչային վերապատրաստման կենտրոն», որը նախատեսված է կազմակերպված հանցավորության դեմ պայքարում իրավապահ մարմինների, դատավորների, սահմանապահների, մաքսային ծառայությունների եւ այլ պատկան գերատեսչությունների աշխատակիցների մասնագիտական հմտությունների եւ գիտելիքների վերապատրաստման համար:
Կենտրոնը հագեցած է մի շարք կրթական ծրագրերով հարուստ ամփոփ փաթեթով, որը օգտակար է թմրանյութերի եւ մարդկանց թրաֆիքինգի, փողերի լվացման եւ անդրազգային այլ հանցավորությունների դեմ պայքարում մասնագիտական աջակցության ցուցաբերման համար:
