![\"\"](\"https://www.aravot.am/2010/aravot_arm/April/30/p11.jpg\")
ՀՀ տարածքային կառավարման նախարար Արմեն Գեւորգյանը այցելել է Արագածոտնի մարզ, մասնավորաբար՝ Արագած գյուղ եւ արձանագրել, որ թեեւ գյուղի թիվ 2 միջնակարգ դպրոցը կառուցվել եւ շահագործման է հանձնվել 2004 թվականին, սակայն թերի եւ անորակ կատարված շինարարության հետեւանքով այսօր արդեն դպրոցի պահպանման համար լրացուցիչ աշխատանքների անհրաժեշտություն է առաջացել: Արագածոտնի մարզպետարանից տեղեկացանք, որ Արմեն Գեւորգյանը հանձնարարել է Արագածոտնի մարզպետ Սարգիս Սահակյանին աշխատել իրավապահ մարմինների հետ՝ դպրոցի շինարարության պատասխանատուներին պատասխանատվության ենթարկելու համար: Միաժամանակ մարզպետը, ի հայտ եկած թերությունները վերացնելու ուղղությամբ, պետք է սեղմ ժամկետներում առաջարկություններ ներկայացնի ՀՀ կառավարությանը:
Իսկ մարզպետարանի աշխատակիցներին ՀՀ տարածքային կառավարման նախարարը հորդորել է անմիջական հսկողության ներքո պահել եւ հետեւել մարզում պետական եւ այլ միջոցներով իրականացվող շինարարության որակին:
