Երեկվանից ժամանակավորապես դադարեցվել է բնական գազի մատակարարումը Հայաստան՝ Հյուսիսային Կովկասի բարձրլեռնային շրջաններից մեկում սողանքների հետեւանքով վնասված մայրուղային գազատարի պատճառով: Այս մասին տեղեկացնում է «ՀայՌուսգազարդը», հայտնելով, որ ներկայումս հանրապետության գազամատակարարումը շարունակվում է իրականացվել ստորգետնյա պահեստ-կայանի պահեստավորված գազի հաշվին՝ առանց սահմանափակումների:
