Կենտրոն եւ Նորք-Մարաշ վարչական շրջանների ընդհանուր իրավասության դատարանում, Գագիկ Ավետիսյանի նախագահությամբ, ավարտվեց ՀՀ փաստաբանների պալատի անդամ, փաստաբան Արուսյակ Լալայանի դեմ հարուցված քրեական գործի դատաքննությունը: Ա. Լալայանը 2008թ. տեղեկանալով, որ մայրաքաղաքի «Շառլ բլոտ» ակումբի սեփականատեր Արսեն Հարությունյանը ցանկանում է, որպեսզի սեփականաշնորհի նույն շենքի նկուղը, սեփականատիրոջից ստացել է $8000-ին համարժեք ՀՀ դրամ: Փաստաբանը կեղծել էր դատավոր Վարդանյանի վճիռը, իր վստահորդի ստորագրությունները: Նա դատապարտվեց 2,5 տարվա ազատազրկման, սակայն դատարանը փաստաբանի նկատմամբ կիրառեց համաներում:
