Զարուհի Փոստանջյանն անդրադառնալով ՀՀ ոստիկանապես Ալիկ Սարգսյանի՝ հեղափոխությունը խեղդելու մասին հայտնի հայտարարությանը՝ երեկ հայտարարեց. «Հեղափոխություն անելը մեր իրավունքն է, ընդվզելը մեր իրավունքն է, բողոքելը մեր իրավունքն է, անօրինական իշխանություններից ազատվելը նույնպես մեր իրավունքն է: Ձեր կողմից տարածվող բռնության կոչերը մեզ չեն վախեցնում: Մենք հեղափոխական սերունդ ենք։ Մեզ այսօր անհրաժեշտ են հեղափոխական լուծումներ: Թե հեղափոխություն անելը ոստիկանապետը կամ այլ պաշտոնյաներ ինչպես կբնութագրեն, դա իրենց խնդիրն է: Մենք չենք պատրաստվում ապրել եւ հանդուրժել հետամնաց այս կարգերը: Մեզ անհրաժեշտ է հեղափոխություն»:
