Անդրադառնալով Հայաստանի հետ հարաբերությունները կարգավորելու Օբամայի կոչին` Թուրքիայի վարչապետ Ռեջեփ Թայիփ Էրդողանն իր Արդարության եւ զարգացման կուսակցության անունից նշել է, որ երբեք չի արհամարհի Ադրբեջանի իրավունքները: Ինչպես հաղորդում է «Արմինֆո»-ն, «Անադոլու» թուրքական գործակալությանը Էրդողանն ասել է, որ հարաբերությունների կարգավորման վերաբերյալ Հայաստանի հետ ստորագրված Արձանագրություններն ուժի մեջ չեն մտնի այնքան ժամանակ, քանի դեռ Հայաստանի եւ Ադրբեջանի միջեւ խաղաղություն չի հաստատվել:
