Երեկ շարունակվեցին նախորդ օրը Երեւանի Բրյուսովի փողոցին հարակից ջրանցքն ընկած՝ ՌԴ քաղաքացի 8-ամյա Ազալիա Գադելշինայի որոնողական աշխատանքները: Աշխատանքներն իրականացվել են ջրանցքի՝ Երեւանի «Սուրմալու» առեւտրի կենտրոնից մինչեւ Նոր Խարբերդ գյուղ, 16 կմ-անոց հատվածում: Ապա շարունակվել Արարատի մարզի տարածքով անցնող ջրանցքի՝ Ջրաշեն-Նոր Խարբերդ-Դիտակ-Արեւշատ եւ Քաղցրաշեն-Գետազատ-Նորաշեն գյուղերի հատվածում: Սակայն իրականացված աշխատանքներն արդյունք չեն տվել:
